Disney Super Fans （唔係我呀，另有其人）

最近找到幾張呀仔的相，大家認唔認得個一男一女．佢地是Golden Mickey的演藝人員，　女的是Bee Bee, 男的有幾個角色，通常是做花木蘭的老公李翔．

記得個日我地提早出Park, 在迪士尼車站見到佢地，　呀仔當日扮Peter Pan, 就主動問可唔可以映相，　佢地好奇怪點解我地會認得，　我話睇Golden Mickey 幾十次啦，佢地都嚇一跳，跟住仲同呀仔玩了一陣．如果佢地可以簽名就好啦，但都是難得的合照．

 

好多朋友都話我是迪士尼粉絲，　因為香港迪士尼我去過超過６０次，　日本迪士尼去過２次，日本迪士尼海洋去過１次，美國L.A.迪士尼去過２次，美國Florida 迪士尼４個主題公園去過１次，法國Paris 迪士尼去過１次，在朋友中是去得最多次數既．
但當我無意中發現以下呢個 Blog, 我真是自愧不如，　佢對迪士尼的熱誠同鍾愛，　真是好利害，　簡直是 Super Disney Fans
我從他的Blog 中得到好多迪士尼的最新消息及資料，　真是好多謝你的分享，大家有興趣去睇吓．

http://hk.myblog.yahoo.com/edmondmyth

 

Hollywood廣場的軍事展覽

今日是主日，　呀琦可以自已返彩虹天地，　唔使我地陪，　我同呀Joe可以返教會崇拜．開心．

之後去了Hollywood 廣場食Lunch, 原本有軍事展覽，我見成班著軍服的男仔企係度，唔見有話可以同佢地映相，　ｏ米叫呀喬企埋去，　映張相留念，點知其中一個哥哥叫呀喬同佢映相，　仲比埋支槍佢．唔知呀仔鍾唔鍾意軍人既野呢，其實我都想試吓打War Game.

呀琦都有映咗張，　但攞唔起支槍.　有冇留意，　呀琦今日著了迷彩褲架

跟住去了冒險樂園，　玩咗一陣，　返屋企啦．

琦琦有波就開心

琦琦自己的型像設計

今早下大雨，　同佢兩個攞完回鄉証，　就返屋企．

兩個細路玩都屋企亂晒，呀琦太無聊，自己做型像設計, 但效果，唉！！！！

著佢鍾意的米奇拖鞋，戴起沙灘筒做帽，攞吸塵機的管做手杖，仲好自豪ｏ甘擺Post, 我真是唔知好嬲定好笑．

証件相

因為下個月是一年一度的家庭旅行，　所以映定証件相，　呢個星期六去攞回鄉証．

今個星期一兩個都 Hair Cut, 出自Auntie Jessie 手，Thanks Jessie!!

家庭日

尋日落機，　先知香港落大雨，因為大澳山泥倒塌，　所以今年端午節返唔到大澳過節．

雖然尋晚都早休息，　但個人都好倦，我連電腦都無開，旅行的相呢幾日先整理再Post 上 Blog.

一早起身，見呀琦D裙好多都未穿過，　比佢試吓，佢好似想死，　不停郁，　係ｏ甘哭．最後映完呢兩張相，　我都係比返便服佢穿．其實佢穿裙真是幾可愛．

今日是主日，　所以就算落大雨，　我地一家都是如常返教會．呀琦上兩個星期已經脫離BB 房，　上到樓上，　同哥哥一齊上彩虹天地．
彩虹天地本來兩歲先可以上，　因琦琦太早熟，　可以跟到，　所以提早上去玩，　你睇佢兩兄妹玩得幾開心．　

左邊呢個是小Bree, 佢好害羞，　但好鍾意同呀琦玩．呀琦個Friend 呢架

茶點時間，　今日有 Biscuit 同梅姐做的大菜糕．　Yummy, Yummy.
見唔見中間隻鞋，　是呀琦架，　佢一上到去就除鞋除襪，　一直都是赤腳，唉，呀女，可唔可以斯文D！！！

之後，　一家人去了太古城玩． 有手工展覽，　Eunice, D 水母織架，　好利害．　唔知同你織公仔是否同一原理呢，　有時間去睇睇．

冒險樂園，　呀喬愛玩的車，　玩了三次．

再去食Tea, 跟住返屋企，　好倦呀．

HK Disneyland x N次

今日(Sorry, 已是尋日）一早，　約了Vincy, Kenson, 呀Tiff ，小炳同我一家（即是我，Joe, 喬喬同琦琦去Disneyland), 識我的人都知我好鐘意Disney, 雖然唔係大Fans, 都是小Fans 架．香港我無正式計過，　應該都去了超過60次．

之前幾驚落雨，　好彩一路都好好天，　我地走時先下大雨．玩到好倦呀．

好啦，唔講ｏ甘多，　去相．

佢兩兄妹真是好難企定定映相．

琦琦第一次玩旋轉木馬，　隻馬開始郁，　佢就驚要落去．　

今日原來Parade 剛轉了去年的水花Parade

最後，　仲要多謝王太(呀Tiff 媽咪）幫我家豆Momo做的裙，　手工真是一流，你睇佢幾可愛