Macau 澳門美食之旅 (Day 2)

第2日瞓到夠，起身去澳門觀光塔旋轉餐廳食Lunch Buffet,　環境幾好呵，個半鐘會轉到一個圈，但食食吓有人大叫，原本上層有人玩笨豬跳, 我地睇就好似有人跳樓，好恐怖．

跟住去觀光塔參觀，由玻璃地板向下望．

見到有幾個日本妹在塔邊行．

塔下有奧運Booth

大哥玩呢個保齡球中咗好多次全中，獎品是Coca-Cola匙扣, 人人有份．最後仲攞咗個金牌，送比咗呀喬

好耐無見既Warner Bros. Studio Store

麵包超人車，好可愛，　我又想起對仔女．

仲有Lego 砌既平面境點相．

去觀光啦．　前議事廳．

教堂

大三巴

晚上本來想去寶石食魚翅，點知無去幾年，　執咗．我地轉去食海鮮，　其實幾好味，但第日我地10個人有5個上吐下瀉，我是其中一個，　勁慘
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
我買比呀喬既手信
Well-E　既肥仔船長，超可愛

仲有Bob-the-Builder 公仔．

Macau 澳門美食之旅 (Day 1)

今年姊夫免費酒店既Quota, 我地選了澳門威尼斯人酒店(姊夫公司既福利，每年可以選酒店房兩間，公司比錢，往年我地會去Disney Hollywood Hotel) ,　8月16日，我一家共10人，出發去澳門展開兩日既美食之旅，因為大家都無帶仔女，

SO FREE ......

去威尼斯人酒店既船，我都是第一次坐去新碼頭，碼頭到處都是工程，　相信幾年後去澳門，又會唔同晒．

嚇死我，　一出碼頭就見到飛機，原本機場在碼頭隔離．

坐Shuttle Bus就去到酒店啦．因為酒店有三個Receipion,呢個比較細，　無o甘靚.

未到Check-in 時間，　我地就週圍行，　順便找野食．個商場真是好靚．有D令我想起威尼斯，其實拉斯維加斯都有個威尼斯商場，但呢個靚好多．

賣藝人

貢多拉．坐好貴呀，我係意大利都唔捨得坐．

呢個就係Main Receiption, 係咪好Grand 呢．

酒店房，　講真呀，　其實房間用料一般，我地都覺得上個月住既番禺星河灣酒店用料靚D.　但間房真是好大，有成700呎，夠我地屈蛇，我地每間房住5人，3個瞓床，2個瞓偏廳.

估唔到我地係商場呢間曼聯專門店留咗好耐．我買咗Jacket 比呀喬，買咗件Tee比呀Joe, Sorry 琦琦，無野啱你．

午餐食板前壽司．

我見到間餐廳就想起呀喬，佢見到隻Monkey實好開心，下次帶你地去玩．

夜晚我地去金沙食Buffet, 果然名不謙虛傳，我地由5:30pm食到差不多10:00pm, 因為掛住食同傾，仲有奧運睇，忘了映相呀．

快高長大??

呀喬今個星期一已返學，　呢個星期學識寫自己個中文名啦．

升K.3既佢開學先話我知佢對波鞋著唔到．

因為一路都係Dr. Kong 幫佢度腳買鞋，一度先知前一對好細，你地睇，新鞋比舊鞋大幾多，　足足４個碼，　我都唔覺佢高既，唔通只是對腳大????　

牙痛慘過大病

其實呢幾日隻智慧齒都有D痛，　不過同以往一樣，　未流血我都唔理佢住　（我已脫過２隻智慧齒），點知今早起身返工，痛到死仲流埋血，要去睇牙醫啦．

記得今年公司Medical 轉咗Plan, 可以一年洗一次牙同見醫生，即刻約時間，當然Full 晒啦，我同姑娘講隻牙好痛，可唔可以安排比我睇，等咗一陣，佢叫我11:15am出到去診所．

去到都等咗３０分鐘，醫生話牙肉發炎，補咗２隻牙，照X-Ray, 最慘佢話２隻智慧齒都要脫，　１隻要做手術，　１隻唔使．但要消完炎先可以脫．

我既止痛藥同消炎藥，漱口水．

Total HK$1,040, 保險包HK$390, 自己比HK$650，　我仲要唔帶唔夠現金　（我以為可以比EPS架嗎)，Credit Card 要比３％手續費.

下個月脫智慧齒，一隻HK$1,800, 一隻HK$800, 無得Claim, 好肉痛呀

PIP兒童劇場－超人阿四2008

同事Lawrence比咗４張Free Ticket我睇詹瑞文既兒童劇, 約埋家姐同呀Mon去睇．

本來以為呀喬６歲先帶佢去文化中心聽音樂會，　因為呢套是兒童劇，３歲以上就可以睇，　所以呀喬今日第一次去文化中心啦．

唔知去邊既呀喬幾開心．

文化中心好多人呀，　原本音樂廳今晚有粵劇表演

文化中心留映

個位好舒服

我地個位好高，但都要HK$150架

場刊

因為我唔係細路，講真，套劇真是幾悶，呀喬就好乖無嘈，但話下次唔睇啦．

都係比較鐘意睇歌劇，表姐都話下次一齊去睇．好似９月有威爾第............