牛年 - 大年初六

今日約了到Benny 家中，約下午一時半來接我們．

只見到一言，原本一行剛動了小腸氣手術，在嫲嫲家中休息．

還有Dorthday 一家及 Peggy 夫婦．

我地先去附近公園玩，行了一少段山．

之後回家，有團契時間，我地唱詩同分享大家現在既教會生活．
晚飯後，Bobby 車我們返屋企，今日過了一個愉快既週末．

牛年 - 大年初五

放工後，我便去蘭姐屋企，我都是第一年參加呢個新年團拜．

大約有三十幾人，主要都是大澳堂既弟兄姐妹，大家都好耐無見，好開心呵．

見到呀Joe 精神好好，大家都好開心，好多謝大家在禱告中記念呀Joe 既病同我們一家．請繼續保守記念．

牛年 - 大年初三

早上都沒有出去，只在傍晚時，呀哥車我地去柴灣 Jessie 屋企，一齊仲有慧芬，惠珠同美麗．

見到世伯，伯母精神都好好，好耐無見既柏奇都有一齊食飯．

因小朋友關係，８點半呀哥便車我地返屋企．

牛年 - 大年初二

今早尤敏同Gary 到我家拜年，佢之前買比呀喬同呀琦既吹氣公仔，都有映相呵．

下午，我D家姐呀哥都到我家食開年飯，好熱鬧．

呀Joe 精神好好，仲好好胃口．

新世紀廣場 - 崖上之波兒展覽

睇報紙知道新世紀廣場有崖上之波兒展覽，　所以返完教會，就坐的士去啦．

場內有攤位遊戲，但要買滿HK$150, 我就去萬寧買奶粉，呀喬共玩了3 個遊戲呢，仲有波兒揮春送．跟住就坐的士返屋企，　都有些塞車．

晚上和家人食團年飯，因為今年無返大澳過年，　所以十幾年都無正日同我屋企人食團年飯．

之後一齊去行官塘花市，呀Joe 梗係無去啦．去到真係好多人，　我買了兩個氣球，就返屋企．

apm 花市

今日一早Winner 姐姐帶呀喬去迪士尼玩，仲去睇戲同食晚飯．

我就如常到家姐屋企食飯，之後約在apm 接返呀喬．我同佢去行apm 室內花市，買咗個吹氣長頸鹿．

吳宜蓁的5歲生曰會

今日是吳宜蓁5歲的生曰會，生日會在又一城既McDonald 開，呀Joe 見到好多親戚，大家都好關心佢，多謝大家，放心，我地會努力醫好個病．

（琦琦，蓁蓁，喬喬）

幾八卦既琦琦

”NDS” Birthday Cake

呀喬今日好照顧萱萱表妹．

咀蓁蓁妹妹，幾肉緊

在商場留映