MK Look 琦琦 & 變形金鋼展

今日琦琦個Look 好MK，黑色Lace Tee, 紫色短褲, 深色長襪

因為現在無得玩玩具，所以開始彩虹天地時，大家先排掛坐，睇聖經故事

崇拜後，呀Joe 同琦琦先回家休息，我就同吳喬出旺角買生日禮物，順便去新世紀廣場睇變形金鋼展覽

變形金鋼既玩具好貴，我地去其他玩具店，卓喬選了呢款火車做禮物，但忍不到生日，已拆了來玩．

呀May 入咗醫院

呢幾日真係超忙，因為我的細妹呀May星期一入咗醫院

事原星期一呀May 食完Lunch, 之後覺得個肚好痛，捱到4點幾，就上了公司樓上睇醫生，打了針，但都仍然好痛，呀May Call了在附近工作既二家姐去陪佢，之後開始發燒，醫生建議叫十字車去醫院檢查．

十字車去了瑪麗醫院急証室，我亦放工趕去會合．之後上了分流病房，醫生初步檢查，懷疑是急性盲腸炎，但都要驗血化驗．

因為時已經9點幾，姑娘開始叫我同家姐離開，我們只好離開等有消息通知．

星期二早上，家姐接到呀May 既電話，說已做了手術，但不太清楚是什麼病．

放工後去探佢 (因豬流感，下午無得探病)，二家姐同姐夫，三嫂都有去．吵May話醫生同佢講係急性盲腸炎，腸已經發脹, 已做了切除手術．探病時見呀May 嘔了幾次，都幾辛苦．

今日再去了探佢，已好多了，醫生話OK明天可以出院，如果啱時間可以同呀Joe 一齊走．

希望呀May 快D好番，健健康康．

2009 Company Trip (Macau Part 4)

今日自由活動，早餐公司已在Function Room包了場 (因酒店唔包早餐)

之後我選擇跟5個同事去珠海Massage,　過關後即到，是一間新開既酒店．

準備啦，先牛奶浴，再香芬油Massage,之後腳部按摩，共3個多小時，RMB1,000 6　個人，每人RMB167

盤水映出來好恐怖，其實是奶白色，但我了坐了一陣就再沖身

同事因常去按摩，都說這裡只是一般，不會再來，我就覺得都OK.
返回澳門，又去開餐啦，先食燕窩撻,朱扒飽, 再食新鮮出爐化皮燒肉，超好味．
因同事去買手信，我又在食街週圍映吓相．

6:30pm 食晚餐，今晚食翅，要預早一日Book.
我地10個人，大約1 人有1.6碗，MPO$1,600, 有D 唔捨得食．如果1 人有1碗，可以Order 細一個Size, MOP1,200

搭8:45pm 返香港，好倦．

2009 Company Trip (Macau Part 3)

頭髮都未乾，又要趕去The Bubble 睇Dragon Show, 因為公司已預定好時間，所以唔使排隊

其實好似太空館，360度天幕，當然仲細D啦，無位坐，個Show 約20分鐘．
我部相機同我既技術都有限，相唔係太清楚．
講真，個Show 麻麻地，只是見幾條龍在海底飛來飛去，唔係好明．我只是知道City of Dream 集團以龍做主題．

之後公司包了場，Dinner 在泳池傍邊BBQ (同去年在Pattaya 一樣)

四周環境好靚，食物都好好食，只是有蚊咬．

望到對面威尼斯人酒店

同事之後去了消夜，我食唔落，好早返房休息．

2009 Company Trip (Macau Part 2)

2:30PM Lobby 集合，出發到今次 Team Building 既地方，去到仲以為今日賽車添，點知............................

我都想玩小型賽車，原本我地今日包場是另外一邊，空地一大塊，仲送大大個太陽．

唯一有冷氣既地方，餐廳 (室內裝飾)

原本今日Team Building 係砌車，工作人員比6 塊紙皮同圖紙，要分工合作，跟住畫圖，Cut 紙皮，再砌架車出來．
本來在太陽下比賽，但實在太辛苦，我地搬去餐廳前陰涼處，但足足做了個多小時先完成，

有個車形啦！

砌好仲要8組再比賽，我地輸咗呀．

大家出了一身汗，返到酒店, 馬上入房沖涼

我張床

我同同事住15樓，仲望到海

Toilet 幾細，但廁所是分開既．

趁同事沖涼，我同Momoko 映吓相．