Happy Birthday to my Dearest Sister

今日係我家姐生日，係度祝你生日快樂，開開心心，永遠都ｏ甘靚女，可以成日同埃及團友去玩, 最緊要仔女生生性性, 同姐夫恩恩愛愛.

講個秘密你知, 我記得細個好唔鐘意你生日，因為之後要開學呢，哈哈！！

Family Trip 29-30 Aug 09 (河源御臨門溫泉渡假酒店) Part 2

因為我地係最早報名既組別，所以其中五間房Up Grade 咗，主要分別係房間裡面有埋溫泉浴缸，可以享受私人空間，我地去過另一間無Up Grade 既，好似仲靚D大D, Anyway 都OK.

房中間有玻璃窗，望向溫泉浴缸及洗手間，可以落窗簾

洗手間內既溫泉浴缸

個浴缸都可以坐兩三個大人

休息了一會，當準備六點食晚飯時，又行雷，又落大雨，我地幾擔心真係只可以係房內泡溫泉，好彩食完飯雨就停了，但酒店門口好期待既點蠟燭靚景，就睇唔到啦．
大約7 點幾，出發去溫泉區啦．琦琦換泳衣，超開心

帶齊水泡，水槍，沙灘波，Ready go go go!!!

因為夜晚關係，無映到相，總之溫泉區有好多個大大小小既池，據聞是真溫泉，唔係熱水嚟，我地仲見到泉眼，但太熱唔可以浸．因為帶住對仔女，主要係個大溫泉池玩，好大架，同個泳池差唔多大，全場只有我地玩水泡．玩到口渴，就去池中間既小賣店，有免費汽水飲，正！
家姐幾個人就去了腳底按摩，RMB38 半個鐘，好先進，所有用錢都係記錄在條 Locker Key, 所以唔使比小費，抵．
雖然溫泉區關門時間係1:00am, 但好倦啦，返酒店休息一陣，就去食消夜 (旅行團包雞粥，炒米粉，青菜等，我地就自費加了兩隻走地雞同汽水，好味)
本來有想過返酒店放水比幾個細路玩，但琦琦消夜無食已經瞓咗，所以大家各自返房休息．好舒服呵．
**********************************************************************
Day 2 : 食完早餐，ｏ甘熱都無打算再去浸溫泉，就四周圍映吓相．
呢度係溫泉區入口，　有Spa 做，可惜無時間．

其他客房望住既荷花池

我地住既Up Grade 房係呢邊，仲有D別墅房．

客房中既花園

另一面既特別建築

約11點幾Check out, 下一個景點，惠州西湖，我好耐之前去過，無乜印象啦．

兩兄妹熱到溶咗．

好可愛既晴晴表姐同琦琦，琦琦副太陽眼鏡好姣，佢係Disneyland 帶咗唔肯除呢．

晴晴大琦琦8個月，佢地好Friend 架，童年有伴真係好．

最後一個景點　：　朝京門古城樓，吳喬到此一遊相．

總結，間酒店幾好，餐飲都OK, 係車程比較長，如果去三日團會無ｏ甘趕．

雖然旅程中對仔女唔係好合作，又慣咗倚賴呀Joe幫手, 我有時都EQ 好低，會發脾氣，唔開心，但想一想，一家人可以一齊去旅行其實已經好幸福，近排家庭都有好多事發生，大家都要放鬆一下，等我再安排吓下次去邊度玩先．

大家有機會都要多D 同屋企人見吓面,食吓飯，可以就去吓旅行啦．

Family Trip 29-30 Aug 09 (河源御臨門溫泉渡假酒店) Part 1

今年因為家庭既小朋友都要上幼稚園同小學，所以大家就時間去旅行，要到暑假尾先得．

本來想參加美食之旅，點知一個月前去報名，全部8月份既週末團都Full 晒，最後去報了永安，今年一行15人，比去年少了呀Joe，出年一定可以一齊去，最好老爺，奶奶們都可以一齊去．今次選了個純玩團，主要去酒店泡溫泉．　

峇里島風情～御臨門溫泉度假酒店
河源大峰祖師廟、朝京門古城樓、惠州西湖環島遊 溫泉二天團

今年決定唔去尖沙咀集合，係沙田可以遲個幾鐘集合．

出發啦，琦琦係沙田Snoopy Town門口 留映，有時間要帶佢去去玩吓．

好興奮呵，全團共有41人，好多人，　坐了兩個多小時，去到午飯既餐廳．餐廳係起係水上面，環境唔錯．

一圍枱一間獨立房．但冷氣唔係好夠

房內向出面望

開餐啦，幾好味．

4個百厭星

第一個景點，河源大峰祖師廟，完全無興趣，映咗呢張相就走啦．

約4點幾到酒店啦．原來河源好遠，坐到Pat Pat 扁晒
酒店Web Site : http://www.iphotspring.com/
Web Site D相映得好靚，實景當然差D, 但都OK 呵．
Lobby 向外映．

池內有好多魚．

媽媽同D孫映相，只欠銳少爺．好掛住係澳洲讀書既梁智銳．

酒店大堂，因為酒店設計扮巴里，所以幾有特色，但無冷氣，好熱

天花，連把風扇都無．

門外裝飾品

琦琦要剪頭髮啦．

普通客房．

酒店模型，真係好大，仲擴建緊．

泡溫泉區，我地夜晚黑就係中間個大溫泉池玩．映唔到相比大家睇，唯有睇模型啦．

待續．．．．．

卓喬小一新生家長會

今日下午請假，同卓喬出席小一新生家長會

吳喬穿了新校服，幾醒目．

小一共有五班，A-E , 卓喬是1B班．

先帶吳喬去班房，認識小一既班主任，老師及同學．佢有些緊張，個樣幾怕羞

吳喬既班房，好似女同學比較多．

我就去了禮堂出席家長會，差不多兩個小時裡面，對學校各方面有了初步認識．

隨著卓喬升上小學，琦琦都返幼稚園，相信之後日子都會好忙，雖然有壓力，但深信自己可以應付，我會加倍努力，做個稱職既媽咪．

吳喬參加了暑期兒童飛行駕駛實戰班

同呀Joe 覆診完，我就趕返屋企接吳喬，出發去Mega Box，因為參加了暑期兒童飛行駕駛實戰－波音７３７模擬飛行艙實地體驗，個名好似好利害，哈哈！

到啦，攝於門口，其實個度好細．

嘩，D課程真係幾貴．

上堂前可以參觀吓，你睇吳喬幾興奮．呢度就係機艙啦．

外面有空姐公仔同餐車

首先有理論課，家長只可以在外面睇，一班共有１２個小朋友，再分兩組．之後我就要離開，個幾鐘後去接番佢

完成課程後有Certificate, 你地睇，個名係　Capt. Ng Cheuk Kiu

根據吳喬轉述，佢係全班最細個．
佢係組裡面第一個試揸飛機，是揸下午機，後來同學有得揸晚機，睇夜景．佢就覺得好唔開心, 仲想哭，我同佢解釋了好耐，佢先明白，覺得揸下午機都好．
你睇佢攞住張Cert. 都唔開心．

可以再隨便映相，你睇佢個樣幾差

之後同佢去商場行一會，好多Stitch 展板映相．佢開心番晒．

我都好開心，買到些”UP” 既產品

Dinner 吳喬要食壽司，其實佢只食旦壽司，食了５客，好利害．