琦琦@華服日

今日琦琦幼稚園攪華服日，預祝國慶，你睇琦琦著起華服幾開心．

因為套衫唔貴，我仲買了件桃紅色旗袍，但佢唔肯著，我都無法．

物儘其用，個紅色手袋係新年既利是袋，對鞋係上次呀Tiff 結婚時既花女鞋，再唔著就著唔到啦．

同姐姐合照，我竟然唔記得同個女映相．

一家四口出去玩

今日一家四口去海洋公園玩．因為呀Joe 都去，所以去同返都Call 呀哥架的士車我地，舒服呀.

琦琦病咗幾日，無返學，休息後今日狀態幾好．

先去亞洲動物天地，因為有動物睇又有冷氣,　見到琦琦最愛既Panda 公仔．

之後先去兒童王國玩．坐小火車

琦琦同媽咪坐．

呀Joe 好鐘意玩攤位遊戲，今次射籃球．
$50 + Coupon, 可以玩8局，每局5個波，要射中兩個或以上有獎．
其中3局係喬喬同琦琦玩．

獎品 : 馬仔係開心獎，即係比$50 就有．另外中了兩個細獎，都OK 啦，唔易中架

今日重點 : 去搭海洋列車，我地由海濱站出發．

門口既擺設

今日園內人都幾多，相信因為遊客比較多，搭海洋列車既人好少，可能遊客多去坐纜車啦．
車到啦．我地係車尾個卡．

坐位唔係太多，但車程只要幾分鐘．
車卡內

車頭部份

開車啦，只有車頂窗口有海洋生物．

好快到啦．吳喬最開心，因為唔一定要坐纜車，佢有D驚坐纜車．我就覺得多個選擇，時間快好多．

山頂站 - 高峰站．

好熱，去海洋冰室食Lunch, 有海豚公仔係餐廳同小朋友映相

Lunch 後去了海洋館，好多人．好快行了一圈就走．坐纜車落山．
等呀哥車時再去了亞洲動物天地歎冷氣．
小熊貓好可愛

今日兩隻熊貓好精神．

有小熊貓映，琦琦好開心呀．

呢隻Crocodile好百厭， 要食琦琦，咬住佢個頭，琦琦話好驚．

Prudence & 華叔一家到訪及琦琦新髮型

今早Prudence, 旨植，Prudence 媽咪，黎華，Joan, 靖靖，倩倩來我家探我地，我居然忘記了映相，你地記住晒返D相比我呀．

一班小朋友相處好好，玩得好開心呢．

吳喬見到Chik Chik 仔塊面有粒瘡，佢唔肯定係蚊咬定暗瘡，就話佢生蚊瘡，Prudence笑到呀．．．

好掛住你們一家，　希望有時間去台灣探你地

同場加映，琦琦新髮型，草姑頭．

呢幾個NBA File 係呀Joe 尋日去apm 玩射波既獎品，總共有5個，好叻呀．

小學生吳卓喬

今日係好多學生既大日子，當然包括成為小學生既吳喬啦．

因為太緊張，佢尋晚”訓”唔著，校車時間好早，係7:15am, 佢起身都無扭計，但你地睇，幾倦．

出門口啦，無得好似幼稚園，返學校食早餐，所以一路行，一路食包

吳喬　：好倦呀！今晚一定要早D覺豬．

爸爸都有送我返學．

上車啦，係大巴士，仲有好多帥兄，帥姊，好興奮．

我坐2號車，一上車我就精神晒，仲同爸爸媽媽揮手

晚上回家，問吳喬返學情況，佢話好好，好鐘意返學，好開心．如果一直維持就Very Good 啦．呀仔，加油呀．
********************************************************************
送完吳喬返學，7:30am 到琦琦返學，佢宜家返學好OK，無扭計，無話唔返學啦，老師都讚佢．