標籤

2010年2月21日 星期日

自由行-深圳天半遊 (Part 2)

繼續四周圍映相.其實園內都有些遊戲玩,我想玩一個類似滑草既遊戲, 但佢地幾個都驚,無得玩.
園內既建築物都好舊,好多都被整壞了,可惜呵.




之後再坐了一次Monorail 及觀光車,晴晴同琦琦都瞓咗,大約六點我地就走啦.好彩返酒店近,抱兩隻豬仔都好倦.
等兩個瞓一會,我地就去對面商場食Dinner, 商場有好多香港餐廳,有溜冰場,戲院,仲有Toysrus, 但餐廳都好多人, 我地最後去食KFC.
之後再去Supermarket 買野食.
商場內有老虎公仔.映張相先.

第二日,瞓到夠,房間包早餐,9點去食,好簡單既早餐,我地完整埋D柸麵食,跟住去映吓相.
附近映相都幾靚.呢個係玻璃舞台

水裡面有好多魚,佢地把食剩既Bread 喂魚.


吳喬教佢地扮花

哥哥好錫兩個細妹同表妹.



房內的天井

附近有溜冰場,但要RMB60, 太貴啦,映吓相算啦.






11點 Check Out, 1點多便回到家休息.下次有時間再去玩.

自由行-深圳天半遊 (Part 1)

最近上網, 發現了一個內地旅行網站, 可以預訂國內酒店, 見唔使落訂, 只要留e-mail 及名便可以Book 房, 膽粗粗嘗試Book 新年初7既深圳房, 想同d細路去世界之窗玩吓.
本來同行有我, 卓喬, 愷琦, 三哥,三嫂,晴晴,呀may 同呀臻, 點知出發時呀臻發高燒, 唔去得, 好可惜, 最後只有我地三大三小一行六人去.
我地先坐地鐵, 再轉東鐵到上落馬洲站, 經福田口岸過關, 再轉深圳地鐵, 搭四個站, 便到第一個目的地 : 少年宮書城.
因為怕d細路走失, 我地都要人釘人, 睇實佢地, 無時間慢慢行, 買了少少貼紙填色書, 就去食Lunch.
之後再搭地鐵, 7個站到世界之窗啦,  我book 了城市客棧-世界之窗店兩間房, RMB325 一間, 一出地鐵就見到間酒店(我覺得只可以叫賓館), 個receiption 好細, 佢地一共有六棟樓房, 最高都只有四層.
外形幾ok架, 晴晴一見到話我地係咪住 Castle

我地住Block 6 地下, 棟樓只有兩層,貼近世界之窗, 我間房窗口望到世界之窗架Monorail 行過.

房間Size OK正常,三個細路一入房就跳床, 我索性把兩張床拍埋, 比佢地跳到夠

Toilet 比較細, 都好整潔.

休息了一會, 便出發到世界之窗啦, 由房間行到門口, 大約5 分鐘, 好方便.
我開幕時來過, 都10幾年前啦.

見到公仔, 就要映相.


映完呢隻公仔, 吳喬話見到扮公仔個人既樣係口部, 好攪笑.

園內都幾多人, 我地買了個套票, 可以六點前任搭Monorail, 觀光車及搭電梯上鐵塔頂.票價大人RMB45, 吳喬RMB30, 晴晴同琦琦唔使錢,抵呀!
先坐Monorail環繞一圈,因為要買票,唔使點排隊,一卡六人, 我們剛好一齊坐.

睇到有恐龍, 個個細路好興奮.我地坐完Monorail, 就坐觀光車,到恐龍公園附近落車.行少好多.




恐龍Swing

吳喬扮翼龍

幾個好開心, 叫我地映相.


上鐵塔啦, 本來先試行上去, 但行了一會, 個個都話見到個地下好驚,於是行返去地面, 直接坐電梯上三樓, 再轉Lift 上塔頂.