郊遊@西貢大澳門 30-10-2010

今日琦琦發燒, 因為姐姐放大假, 所以我都返唔到教會, 留在家中照顧琦琦.

下午彩虹天地有戶外活動, 地點 : 西貢大澳門

Photo by Joe

我都好想去呀

旅程回憶

近來努力把以前的旅行相片放上BLOG, 過程中拾回好多美好回憶,

見番好多旅伴好友, 見番自己後生時既樣, 超懷念.

我在選擇照片已儘量選只有自己及呀JOE, 如你發現相中有你, 恭喜你, 你曾和我有過美好的旅程, 但如果你介意相片被公開, 請通知我呵!

朋友門, 讓大家一起回憶旅途中的點滴, 冀望下一次旅程中有你.

Happy Birthday to Me!

呵, 今日是我生日, 本來想去迪士尼, 但起身頭重重, 唔係好舒服, 加上呀Joe要返教會開執事會, 在沒有姐姐既情況, 要帶卓喬返英文同數學班, 仲有琦琦個百厭星, 一個早上我已無晒力, 決定到附近既Mega Box 食野同行一陣.

我以為由藍田搭的士好近, 點知要HK$47, 好肉赤.

係Jusco 行咗陣, Join 埋呀Joe就去食Lunch, 其實都兩點幾，去到一間酒樓，　忘了個名，　但都幾大，　樓底好高，　D椅仲包晒有蝴蝶結布套，　琦琦話好靚添．

點完點心，　等呀等都未有野食，　附近既客人都陸續埋單，　我地就問吓Waiter, 原來Order 既單唔見晒，　佢叫我重新再點．　我見都三點幾，　佢地開始Set 今晚擺酒既場，　怕食得好趕，　最後問了可唔可以唔比錢走，　佢話OK，　就去另一間細既酒樓食．　Take 點心時先發覺是一間潮州酒樓，　最後差不多四點先食Lunch，都幾好味．

跟住係Mega Box 行吓，　就返屋企休息

晚上去了家姐屋企食飯，　佢買了旦糕比我呢！
p.s. : Happy Birthday to Felix Lai （身在台灣既你點慶祝呢）

餐廳

卓喬尋日睇完LEGO 展, 今日就大顯身手, 砌了間餐廳.

門左邊佢話個人睇緊餐牌

另一面有落地玻璃窗, 仲見到入面既錢箱

背面有窗可打開

裡面有人用餐, 有人比緊錢買野

總結 : 呀仔今次砌既明顯有進步, 好多細節都有留意, GOOD!

尖沙咀Half Day 遊

同卓喬上完數學及英文班, 決定再去尖沙咀行吓.

想來呢度映相好耐, 尋日坐巴士經過, 見到仲有個好COLOURFUL 既展覽, 所以第一個目的地 : 舊水警總部

加上BRITTO 既卡通展覽, 映既相好靚

卓喬一見呢架玻璃升降機, 馬上衝入去

D展品好可愛, 連宜家唔係好鍾意映相既卓喬, 都要映,映,映.

跟住再經過另一展品, 只映了這張戶外大型公仔
************************************************************
美國著名塗鴉創作藝術家 KAWS (Brian Donnelly) :
KAWS : PASSING THROUGH 跨展覽)
這是KAWS 招牌人物 COMPANION 　

入到海港城, 意外見到澳門賽車展

靚靚既模特兒

見有得玩揸車, 唔係太多人, 卓喬睇人玩都好開心

到啦, 你睇佢幾緊張, 其實佢好少玩遊戲機, 但有工作人員在旁協助, 斬都玩了幾分鐘

接著是今日重點 :　LEGO 展
人山人海

今次比上次係反斗城內既LEGO 展大Ｄ，　仲有日本既直江和由，　卓喬既我的志願就是佢既職業 LEGO Model Builder

直江和由展品

今次主題是中國特色物品及香港既地標

棋盤

呢個係唔係舊既露台房屋呢？

舊水警總部

中國塔

天星碼頭，　仲有遊輪

金魚，　好得意

呢個仲有搶包山同舞獅

近鏡：　飄色同舞獅

紅館

帆船

免仔燈籠

獅頭

大埔火車博物館

香港既ＬＥＧＯ玩家真係好利害，　佢地既作品比好多現售既ＬＥＧＯ更靚。
反斗坊內都有展品，　卓喬好想要火車，　太貴啦。

貨車我都好鐘意

卓喬去了玩砌ＬＥＧＯ，　完成後有ＬＥＧＯ電話繩

看到這海報，　但唔知係邊，　都想同呀仔去砌吓ＬＥＧＯ做善事

經過賽車展，　居然無人排隊揸車，　今次玩了差不多十分鐘。

玩到伸脷

滿足地返屋企