Amazing Summer 深圳游水之旅 (27-28 Jul 2013) 求水山酒店

無錯, 我地一家又去深圳求水山公園玩. 網上房做特價RMB378 連稅, 仲平過會員價.

我去到仲同經理講成日來, 要求客房升級, 最後比咗11 樓向泳池景, 間房個廁所比之前住既大D



同埋個浴缸都唔同, 呢個仲有玻璃窗隔開






食完LUNCH 就去公園玩吓, 今日過山車排晒隊, 到玩先知原來今日特價 : RMB3 一人, 抵!






玩完返酒店換泳衣, 就出發去水上樂園玩, RMB30 一人全日任玩, 但出咗去要再買票



係水上樂園望番酒店, 真係好近, 好方便.



買了部潛水相機, 正呀!
我映時都好小心，　費事比人話映相，　後來有個救生員叫我，　我仲以為佢叫我唔好映相，　原來係問我部相機幾錢，　同埋質素如何。

今日星期六, 可能有D雨, 人都唔係太多

 自備水槍, HKD10 一枝

  

 但個樂園好攪笑, 因為唔夠救生員, 所以D 滑水梯同衝浪池會輪流開, 要留心廣播, 我地聽唔明, 見人起身就跟住去排隊

天氣時晴時雨, 好彩唔凍, 都玩咗兩個鐘

琦琦未夠1.3米, 好彩都比佢玩, 佢仲話呢個長水梯好好玩

好快到底, 映唔切 

到開衝浪池啦

 跟住開細路玩既小型水梯, 共有三條

 

 玩完係酒店食晚飯, 樂園今日關10點, 仲有D 遊戲卷, 先玩環繞樂園一圈既太空漫步

  

從高處映返水公園

 琦琦要玩千秋

卓喬要玩碰碰車



仲有兩個次次都要玩既迪斯科

 第二日起身, 就去酒店泳池游水

  

原來個泳池都唔細



我係房映佢三個行去游水

無其他人, 包場

  

  

時間過得好快, Late Check-out 兩點走啦

搭的士去咗KK Mall 食下午茶，　燒鴨RMB38一隻 (唔使加一, 我係會員仲有九折)，　好味呀，　之後便回家。