步行籌款 - 大埔海濱公園

今日一早出發去呀喬幼稚園集合，　因為參加了學校既步行籌款，路線是大埔海濱公園沿海徑，因有老人家及幼兒，只是平路, 好適合一家大細行．

今日天氣好舒服，　陰天有微風，差不多回程才下雨．希望下次同呀Joe及琦琦一齊去行．

我好失敗呵，　忘了帶相機，　映唔到相比大家睇，映番張步行表，有蓋印架，證明有行完全程．

係度好多謝大家今次贊助呀喬．God Bless All of You!!!

在公園集合出發前，　有敬拜會，500多人一起唱歌讚美神，　好耐無試過啦，　好享受，我仲見到個好耐無見既朋友（呀威）及佢太太．

回到家太倦啦，　瞓咗個晏覺

因為無映相，　我叫呀喬畫幅畫表達，佢將A4紙分開４部份，左上角係坐雙層巴士去大埔公園，右上角是回歸塔，左下角是媽媽同喬喬，右下角是行完食既小食（魚旦同燒賣）

Happy Birthday to Ken Law

今日係姪仔生日，　呀哥叫我訂個雪糕旦糕，　個款我選既，因為姪仔都２１歲，都唔知邊款好　都OK啦．味道是Strawberry, Yummy!!

佢地將蠟燭直插落個Pat Pat 中間．唉

我地將乾冰倒去Toilet, D細路見到好多煙，好新奇．

今日仲是尤敏姑姐間舖開張日子，　是賣伴娘裙同一些結婚用品，係度祝生意興隆，快快擴充搬大舖，我唔記得映相添，　間舖係尖沙咀百利商場，叫Yau Yau Collection.

表姐既拉丁舞表演

今日下午去咗睇表姐拉丁舞表演

佢仲做埋MC, 化咗妝既表姐幾上鏡

兩個細路見到商場有車玩，梗要玩啦，仲請埋兩個小朋友添

卓喬新髮型

呀喬終於剪頭髮啦，今次都剪得幾好．

去到髮型屋，　個姐姐問佢係男仔定女仔，哎！！！

琦琦既武器

可憐既呀喬哥哥，　你地睇吓呀喬塊面，　是呀琦抓架．

全家去迪士尼

今日返完教會，約了全家人去迪士尼玩．我地一行１７人，　玩轉迪士尼．

Halloween Decoration 已經在Park 隨處可見．

我個Annual Pass 10月15日到期，　睇琦琦ｏ甘鍾意，都要續証啦．

今日真是好多人，　你地睇吓，我在Parade 入口映既，人山人海．

好黑添，我玩ｏ甘多次小小世界，　都未見過ｏ甘多人，門口職員話要等１個鐘，因為有屋企人未玩過，　同根據我地既經驗，應該唔使ｏ甘耐，　最後，只是排了１５分鐘．

我家既印傭都有去，我都話琦琦比佢縱啦．

香港小童軍及小Bree & Danile 生日會

呀喬參加了學校合辦既小童軍，　隔個星期六返學校，有校車接送，費用全免，淨係要套衫，正呀．

套衫有D攪笑．

小童軍證

下午去咗小Bree 同佢細佬Daniel 生日會．在愉景新城會所舉行．

呢個是小Bree 啦，佢三歲生日，　大呀琦超過一年，　點解呀琦好似仲大過人?

因為主人家請了專業既生日會攪手，所以好多遊戲玩，而好多又係親子遊戲，好倦呀．

映映吓相機無電，映唔到相．

之後去了家姐屋企食晚餐，因為姪仔今晚夜機返澳洲開學，妹姨祝你身體健康，要生生性性．