Happy Wedding for Wai Ling

今日是好友惠玲既結婚大日子, 因為請唔到假, 卓喬要溫習, 所以只有呀Joe 同琦琦出席.

琦琦好唔鐘意著黑色裙, 呀Joe話佢一直都唔肯著, 話"黑猛猛", 後來加了件粉紅毛毛外套先得.

呀Joe話林牧師車佢地, 好早就返, 映咗好少相, 我係屋企再映多幾張, 下次琦琦實唔肯再著條裙.

祝惠玲同老公仔白頭偕老. 主恩滿溢!!
HAPPY WEDDING!

去Ocean Park 玩啦

因為之前買了Ocean Park Annual Pass, 今個月生日有四張起飛送,就請好耐無去既家姐同姐夫, 仲有好友呀Tiff 同小炳, 加埋都有全年證既三哥一家, 一行10 人出發去厄番日.

有日期既係家姐部相機, 好似映得比我部機靚, 連呀Joe 都話琦琦好靚女, 唔通因為部機有美顏功能? 我都好想買部新相機呀.

琦琦最愛既 Panda.

姐夫同卓喬,琦琦合照.

晴晴真係好可愛

琦琦見晴晴映相, 爭住要映

比Crocodile 咬住個頭, 好攪笑.

海洋列車

卓喬同姐夫扮野相

琦琦攝於海獅館

去坐小火車啦.

卓喬攝於南瓜屋.

約5點幾走, 因為Halloween 既人入場, 真係人山人海.

幾經辛苦先出到去.

晚上呀May 買了旦糕同我預祝生日, 仲有名貴禮物, Thank you! 錫晒妳.

Happy Birthday to Ken Law

今日係姪仔Ken Law 生日，Happy Birthday.

我地早一日買了旦糕慶祝．

中秋節@HK Disneyland

因為我，呀May 同家姐既迪士尼全年證係10月15日到期，大家都打算唔續證，趁未到期，約埋晴晴一齊去玩，今日係中秋節，我帶走兩個細路，呀Joe 就留家休息．

我地4個大人加4個細路，一早就入Park, 琦琦未Warm Up, 唔肯映相．

晴晴今日著咗Alice 裙，好可愛．

睇咗好多次Golden Mickey, 我都係第一次映相，好好睇．全個世界既Disney 只布香港及美國既郵輪有得睇，好珍貴架．

ｏ甘多年都無入過鬼屋，因為無興趣同埋好多人排隊，家姐就濃厚興趣，希望今日可以去睇一睇，我今年居然去晒三間，呢個係其中一間，以森林做主題，其餘分別是酒店主題及外星人主題．

玩Winnie the Pooh, 兩個美女好開心呢．

４個細路好Friend.

仲去咗睇Lion King, 仍然Very Good, 好好氣氛，記得第一次同呀May 你美國睇，勁興奮．

總結 :
今日真係超倦，9點出門口，到差不多11點才回家．
所玩項目 : The Little Small World, Winnie the Pooh, Buzz, Space Mountain, Golden Mickey, Lion King, 森林河流之旅,3 間鬼屋，仲睇埋夜晚巡遊及煙花．勁呀！！！

玩完後，我真係唔捨得Disney, 又再煩緊續唔續證．唉，點算！

迎月夜

往年中秋節，我們一家都會去大澳同親戚一起賞月，今年因為呀Joe 要休息，所以我們沒有返大澳．

呀妹邀請我地一家同晴晴一家去佢屋苑既中秋節晚會，有跳彈床及攤位遊戲，可惜人太多，只玩了三次彈床．但４個小朋友玩得好開心呢．

遇見嫦娥派棉花糖．

長頸鹿跳彈床

太黑同太熱，只映了兩張相．

國慶日@尖沙咀海港城

尋日先知道海港城既反斗城有Lego 展，今日放假，見吳喬已做晒工課，就出去尖沙咀行吓．

海景呵，雖然公司日日都望住，但同老公，仔女睇梗唔同D.

行咗一陣，食完Lunch 就返屋企休息．

琦琦在商場內做一字馬

商場內有喜洋洋公仔映相，但好多人，映相既Quota 已滿，唯有係傍邊映．

去到反斗城，琦琦見到Ball 就開心

好多Lego 呵．

展覽規模比想像中細，呢個米奇過出車我最鐘意．

Shop 內既展覽箱

今日收獲 : 最新款既Space Police, 好可愛既外星盜匪