卓喬第一次到QE見醫生

今日係卓喬第一次到QE見醫生, 撞正爸爸去抽骨髓, 分唔到身呀. 其實2日前知呀JOE今日抽骨髓, 便馬上要安排今日接卓喬見醫生既事. 因為之前打算呀JOE接卓喬後, 我再去QE會合.

最後決定坐呀哥的士先到CYBERPORT 接我放工, 再去卓喬學校, 跟住回家放低書包及換衫, 再車去QE, 我既LUNCH 都係QE 餐廳食.

好啦, 先講一吓點解卓喬要見醫生, 話說卓喬自細已好怕一些會郁既物件, 特別是一些被風吹郁既布呀, 窗簾等, 相信唔少既朋友都見過佢完成失控個驚樣, 本來我同呀JOE都想, 希望佢一直成長, 可以慢慢克服.

但近呢年 (我自己覺得係由呀JOE有病開始), 情況越見嚴重, 宜家佢好怕搭船, 一上船就狂喊, 不只是細船, 連天星小輪都唔得, 仲有ＣＡＢＬＥ　ＣＡＲ呀，上次去迪士尼，　連森林河流之旅都玩唔到，　排隊時佢驚到喊咗好耐。仲有好多。。。。。。。

幾個星期前，　我帶佢去診所打流感針，　佢好驚，　我地夾硬同佢打完，　佢就失控狂喊了１０幾分鐘，　醫生由細睇住吳喬大，　都覺得有問題，　所以寫了轉介信，　著我們去ＱＥ見醫生，睇吓可以點幫佢。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

今日預約時間是３點鐘，　我兩點幾到，　等到４點幾。　見醫生時先講卓喬既情況，　醫生再問了佢好多唔同既問題，　做了一些簡單動作。結論是佢各方面都無問題，　至於佢會怕某些事物，　情況亦不算嚴重，類別是屬於精神科既焦慮症及驚恐症，　醫生說可以透過傾談輔導及藥物治療。　

醫生先安排卓喬在１１月９日做腦電圖，　再於出年１月２１日回ＱＥ覆診睇報告。
因為ＱＥ沒有兒童精神科，　所以寫了信轉介去油麻地分科診所，　我見還有20分鐘，所以馬上搭的士去掛號，　點知去到話我住官塘區，　應到聯合醫院既兒童精神科，　白行了。
希望大家為到卓喬祈禱，　雖然現在情況不是太嚴重，　但亦希望佢既心理障礙可以儘快解開。
**********************************************************************
就係呢度見醫生啦．

內裡有些兒童設施，仲有電視播DVD. 之前係猫之報恩，後來做怪獸公司，小朋友等時無ｏ甘悶

見無映過卓喬既運動服，今早送返學時映既．你睇佢大大隻隻，幾健康，仔，你要快D好番呀．