深圳大梅沙3天度假之旅 (Day 2-3) : 深圳大梅沙京基喜來登度假酒店, 永和豆漿

第二日轉去今次既主菜 : 深圳大梅沙京基喜來登度假酒店

其實由雅蘭行過去, 好近, 但因為落雨, 最後都上咗部的士, RMB10+RMB2 行李費

門口有架花車

酒店大堂

2011 年來過飲茶, 一直念念不忘, 好想住番晚.
因為星期一唔係內地假期, 房費平D, 我再扣埋D 積分先捨得Book

Receiption

去飲茶先 : 京基粵菜王府

今次無叫果汁, 以5星酒店來說, 唔貴

特價 RMB58

蒸糕蟹陳村粉, 雖然兩隻蟹好細隻, 但好鮮味

食飽上房啦, 我地係最平個隻房, 住4樓
電梯大堂

出電梯仲要行一段路, 差幾間便是尾房

房號 : 445

房是孤形

房間比想像中細, 但都好靚

個洗手間好大, 仲有兩個洗手盤

卓喬話浴缸大到可以睡

兩張床, 每張都有4尺X6尺, 都夠大

呢度全部酒店房都向海, 仲送埋海浪聲

環境真係好好, 度假一流

樓下個泳池好大, 由三個池相連, 酒店仲有私人沙灘

先去沙灘玩

我地有備而來, 帶埋堆沙工具, HKD20/set

私人沙灘是沒有救生員, 海灘又大浪, 所以我唔比佢地落水, 怕危險

私人沙灘都都幾長

呀Joe 坐係沙灘椅睇住佢地玩沙, 我四周圍行下

環境真係好好, 可惜呀Joe 仲好病, 長時間休息, 無落水玩

酒店外型真係幾靚

見到Set 緊結婚場地, 希望唔好落雨啦

行到儘頭, 就係游艇會

之前都想過住呢度

由私人沙灘映番去大梅沙公眾海灘, 都要比入場費, 但你睇, 幾多人

仲見有人釣魚, 是職員定住客?

好PRO, 有晒工具

兩個無聊玩尋寶遊戲, 用沙埋晒D工具

最後有D 工具搵唔返, 唉!

又用D 沙埋自己

玩完沙灘, 要沖完沙先可以去泳池玩

映下相先

去室外池游, 好少人 因為星期一內地唔係假期
我Check-in 時見D 內地人Check-out, 所以見到既大部份都係香港人

穿過D 橋就係另一個泳池

泳池同個海好似連埋一齊, 正呀

好多沙灘椅, 任坐, 仲有專人攞毛巾比你

泳池Bar

我坐係呢度睇住佢地, 真係好歎

上水去兒童池玩, 可惜滑水梯無開, 應該唔夠救生員

兒童池淺水好多, 可以企係度玩水槍

坐我附近都係D 工人姐姐, D 人真有錢, 帶埋姐姐來度假

去埋室內泳池, 

我係傍邊D 圓形大Sofa 坐到唔捨得走

最後玩咗4個幾鐘先走, 一走就落大雨啦

返上房, 見個新娘坐遊艇到沙灘

有錢人, 幾多人服侍

唔捨得係酒店食, 出去搵食

今日有人結婚, 門外泊了6部勞斯萊斯, 應該係有錢人

大門口對出留映

近海, 四周圍都係海鮮店, 呀Joe 仲病緊, 無食海鮮, 去咗食台灣既永和豆漿

好少人, 平靚正

滷肉飯套餐

豬排飯套餐 

我地仲叫了兩碗湯麵, 小籠飽, 煎旦餅, 豆漿, 紅豆冰, 都唔使二百元RMB

又返房歎下

係露台睇夜景, 好靚呀

琦琦都話酒店好靚, 要映相

映映下見沙灘有人放煙花, 應該係今日結婚對新人

放咗好耐, 我地就有免費娛樂 

之後仲開沙灘Party, 好豪

睡醒, 同卓喬去食早餐, 房門對出見有網球場

酒店門口範圍都好大

因房只包二人早餐, 如果加大人要RMB198, 琦琦都要RMB98, 我地慳家, 梗係派我同卓喬食啦

但食物種類其實唔算豐富, 唔值呢個價

佢用宜家好興個D法國放食物, 卓喬話D煲蓋重到攞唔起

最正有新鮮果汁飲

都係好少人同大多數是香港人

食完上房, 我地再去游水

游游下有隻甲蟲飛咗落我手, 我用隻飛碟放返佢上岸

之後返上房梳洗, 我再係露台睇風景

今日好好天, 仲有太陽

見到好多人映結婚相

呢架遊艇都係映相用, 聽人講租來映相 RMB500/小時

Late Check-out 只可到1:00PM, 係酒店飲埋茶就走啦