一直想試Marco Polo 這品牌酒店, 早幾個月前見減價, 中秋節假期都有房, 就Book 咗晚試下
上午兩兄妹上完數學班, 係藍田坐過境巴, 到皇崗再轉的士, 好快就到酒店啦
"深圳馬哥孛羅好日子酒店"
呢度係商業區, 星期六好靜, 好少人
呢度係酒店側門
酒店大堂, 細細但都幾靚
可以提早上房, Yeah!!
電梯大堂
要求高樓層, 安排了24樓
住2417號房
房間唔太大, 但好整潔
兩張床, 迫迫地一家四口住
望CoCo Park 景, 行去5分鐘, 超方便
休息一陣, 就去搵食啦, 兩個想食日本野, 但酒店呢間, 比較貴, 唔考慮啦
係酒店對面, 就見有另一間日本食店, 價錢OK, 就呢間啦
全店只有我地四個
兩個既至愛, 旦壽司
呀Joe 食燒秋刀魚
食飽返房休息, 3點幾就去泳池游水啦
泳池都好少人, 正!
游完水仲係佢個更衣室焗Sauna, 仲分乾濕蒸, 好舒服
晚上約咗張生食飯, 先去CoCo Park 行下
見'FILA" 係商場通道行Catwalk
兩個都覺得好新奇
經過間賣Monchichi 既店, 呀嫂來實興奮
好多好多, 但都好貴
商場都裝修得好靚
中庭有樓盤展銷
我覺得個天頂好靚
琦琦見到D得意裝飾就要映相
今晚決定食呢間 : 超越牛扒
內部裝飾都好靚
入口
哈哈, 講得好
地方好大, 人唔太多, 可能因為價錢唔平
門口仲有遊戲機玩
有免費水果及糖水食
我地叫咗牛扒同豬手, 牛扒好味但豬手太乾
食飽去行商場
見到好大個月亮, 但我映得唔好
同張生去"麻布茶房"食甜品, 之後返酒店啦
酒店房映番CoCo Park, 著咗燈好靚
房無包早餐, 我同卓喬行去CoCo Park食野, 再買比佢兩父女食
呀, 之前上網見CoCo Park有Hello Kitty Cafe, 搵到啦
早上十點幾, 好少人
外面D 檯都無人坐
入去裡面映下相
下次要同Kitty Fans : May 來食甜品
外面有個繩網玩, 唔平但好多小朋友玩
佢兩兄妹太大, 唔啱玩
係酒店Hea 到夠鐘Check-out, 又行去CoCo Park 食Lunch
選了呢間日本拉麵, 唔太貴但普普通通
食飽就坐過境巴返屋企啦
沒有留言:
張貼留言