南沙奧園大酒店二天團 (29-30 Dec 2018) : 蒲州花園, 南沙奧園大酒店, 南沙十九涌漁人碼頭

年尾前，見大航假期有個ＨＫ＄１９９超平團，星期六出發都一樣錢，咪即刻同媽媽報名，去Hea下，報時已經是最後幾個位，要坐車尾

團隊8:00am係羅湖集合，最頭痛係要安排媽媽去洗手間，我7:30am到，見關口開了間新茶餐廳，就去食早餐，順便去出發前埋廁所

媽媽食粥＋熱檸茶

我食燸米雞＋熱奶茶，幾好味

之後再去深圳灣接其他團友

好彩去程係大車，有位多，媽媽可以唔使坐最後，其實坐附近有兩位女仕都好好，見媽媽年紀大，都主動提出要求同我地換位

第一站：蒲州花園

其實因為未夠鐘食午飯，咪搵個景點去

呢度人影都無隻，似個無咩人打理了既公園

不過見另外團Ｄ朋友主話去行商場，咁我寧願行公園啦

一片綠色

今日都幾凍，好大風

公園都幾大，有湖又有塔

媽媽有機會出嚟行下，幾精神

棵樹Ｄ樹根幾多

荒廢了的三角琴

樹上有小鳥裝飾

Ｄ景好明顯要來映相

跟住就見有人嚟映寫真同婚紗相

行下行下，有個中式建築入口

映相又幾靚喎

架單車有隻狗仔，好得意

返酒店啦，先去酒店隔離餐廳食午餐

好明顯做團餐啦

先有隻鐵鍋燒熱Ｄ水

跟住好似盆菜咁，但食物味道麻麻

食完返酒店都未有房，要係大堂等
酒店都幾大，但有點舊

酒店前方係條大車路，但好少車

酒店正門都好有氣派

等房時睇住Ｄ職員將聖誕裝飾換成新年擺設

酒店有個機械人，又映下先

大堂有個樓盤展銷

上房啦，住10樓

走廊好多彎位

住A棟1008室

房間都好闊落

仲有腳部按摩機，但我唔敢用

無浴缸

窗外景觀係住宅

媽媽係房午睡，我就周圍行下
去泳池裝裝先，好多Locker

泳池都ＯＫ

有乒乓球打

再行去酒店外，見有架生果車

買咗RMB10沙糖桔, RMB7腰芒

5:30pm去番酒店隔離間香山食府食自助餐，但簡直係噩夢
紅酒仕飲，Ｄ團友話好似水咁

我都無心機映相，食物少又唔好食，周圍好污穢，好似搶食咁，粉麵要自己淥，好混亂

真係食團餐好過

三文魚我真係唔敢食

求其食Ｄ就走，經過明早食早餐既餐廳，咁細，明天一定好混亂

晚上係附近行下，都有Ｄ宵夜店，我地食埋香港帶嚟個飽同生果，媽媽話飽，所以無去食宵夜，佢早早就上床休息

早餐時果然好混亂，位超級唔夠，我地同另一對夫婦坐
好多人嚟到無位坐，仲有人為咗爭位嘈交

食物又ＯＫ喎

個團最好食係呢餐

再返房睇電視，Hea下，10:30am Check Out, 又去食中午飯

食土雞火鍋，ＯＫ啦

食飽再去景點：南沙十九涌漁人碼頭

入口有單車租

Ｄ水好污穢

去睇Ｄ土產

都幾多野賣

鹹魚大大條，價錢好平

有間幾雅致既民宿

我係呢間店買咗一大袋海底椰，RMB20，超平，老板又好人，推介

仲買咗少少呢Ｄ生曬三泥魚春，試下好唔好味

仲有茶葉乾果賣

仲有海鮮檔，買完係附近酒家整，難怪有咁多私家車泊係外邊

睇見都流口水，但有得睇，無得食

我地真係好Out，人地街市都可以Wechat pay, Alipay

水果店，但Ｄ水果好貴

呢種紅色蕉我第一次見

叫火龍蕉

樹幹好粗

仲有蔬菜店

買蕃薯都可以Wechat pay

紅色淮山

見有Ｄ寵物賣

唉，畫到人地個殼五顏六色

有間比小朋友捉魚既店舖

行下行下，就回程返香港啦

團友都買咗好多野，滿載而歸